एका वृत्तवाहिनीने भरविलेल्या चर्चासत्रात संजू सिनेमाविरोधात काल १९९३ बॉम्बस्फोटातील पीडित तरुण तुषार देशमुखने अभिनेता संजय दत्तविरोधात टिप्पणी केली. तुषारला आज सकाळी ११. ४६ वाजता आंतराष्ट्रीय दूरध्वनी क्रमांकावरून जीवे मारण्याचा धमकीचा कॉल आला. माहीम पोलीस ठाण्यात याबाबत तुषारने तक्रार दाखल केली आहे.
दादर येथे तुषार हा राहत असून तो हॉटेल व्यावसायिक आहे. आईचा १९९३ बॉम्बस्फोटात त्याच्या वयाच्या लहानपणीच मृत्यू झाला. एका वृत्तवाहिनीवर चर्चासत्रात त्यामुळे संजू सिनेमात दाखविलेल्या उदात्तीकरणाबाबत काल तुषारला निमंत्रित करण्यात आलं.
तुषारने संजय दत्तविरोधात टिप्पणी केली होती. एका निनावी आंतराष्ट्रीय दूरध्वनी क्रमांकावरून त्यानंतर आज सकाळी ११. ४६ वाजता तुषारला जीवे मारण्याचा धमकी देणारा कॉल आला. तुषारला +४४७५३७३२१०१५ या क्रमांकावरून कॉल आला होता. 'संजूबाबा के खिलफा कुछ भी बोला तो, तेरे माँ जैसे तुकडे तेरे भी कर देंगे' अशी धमकी त्याला देण्यात आली.
तुषार हा हिंदुजा रुग्णालयात काही कारणास्तव त्यावेळी असल्याने त्याला याबाबत माहिम पोलीस ठाण्यात तक्रार दाखल करावी लागली आहे. दादर पोलीस ठाण्यात अगोदर तुषार तक्रार करण्यासाठी गेला होता. मात्र, तेथील पोलिसांनी कॉल हिंदुजा रुग्णालयात असताना आल्याने माहीम पोलीस ठाण्यात पाठविले. माहिम पोलिसांनी याप्रकरणी अदखलपात्र गुन्हा दाखल केला आहे.