Delhi News: दिल्लीतील मनोहर पार्कमधील एका घरात रविवारी रात्री एलपीजी सिलेंडरमधून गॅस गळती झाल्यामुळे भीषण आग लागली, ज्यामध्ये दोन अल्पवयीन भावंडांचा मृत्यू झाला.
मिळालेल्या माहितीनुसार दिल्ली अग्निशमन सेवेने (DFS) सांगितले की, ही घटना रात्री ८.२० वाजता WZ-७ परिसरात घडली. आगीची माहिती मिळताच, अग्निशमन दलाच्या दोन गाड्या घटनास्थळी पाठवण्यात आल्या, जिथे आगीचे कारण गॅस गळती असल्याचे आढळून आले.
पोलिस उपायुक्त यांनी दिलेल्या माहितीनुसार, मृत मुलांची आई म्हणाली की, ती जेवण बनवत असताना जवळच ठेवलेल्या कपड्यांना आग लागली. घटनेच्या वेळी त्यांच्या दोन्ही मुली आणि मुलगा घरात उपस्थित होते. तसेच भावंडांच्या आई वडिलांना आणि बहिणीला बाहेर काढण्यात यश आले.