Webdunia - Bharat's app for daily news and videos

Install App

नाशिक शहर परिसरातून महिलांसह पुरुष बेपत्ता

Webdunia
गुरूवार, 19 जानेवारी 2023 (08:42 IST)
नाशिक  : शहर परिसरात काल पाच महिला व दोन पुरुष वेगवेगळ्या ठिकाणांहून बेपत्ता झाल्याच्या नोंदी विविध पोलीस ठाण्यांत करण्यात आल्या आहेत.
 
बेपत्ता झाल्याचा पहिला प्रकार ओढा येथे घडला. खबर देणार भास्कर सदाशिव नेवाडे (रा. मु. पो. ओढा, ता. जि. नाशिक) यांची पत्नी रोहिणी भास्कर नेवाडे ही दि. १६ जानेवारी रोजी दुपारी १ च्या सुमारास एमएच १५ एचएफ ९५६० या क्रमांकाच्या अ‍ॅक्टिव्हा मोपेडसह घरात कोणालाही काहीही न सांगता निघून गेली आहे. याबाबत आडगाव पोलीस ठाण्यात मिसिंग दाखल करण्यात आले असून, पुढील तपास पोलीस हवालदार सावंत करीत आहेत.
 
बेपत्ता झाल्याचा दुसरा प्रकार अंबड परिसरात घडला. खबर देणार हंसराज महेंद्र हिरे (रा. डीजीपीनगर नंबर २, सिडको, नाशिक) यांनी दिलेल्या माहितीनुसार लता महेंद्र हिरे (वय ४८) या राहत्या घरातून कोणासही काहीही न सांगता घराबाहेर निघून गेल्या. त्यांचा परिसरात शोध घेतला; मात्र त्या मिळून आल्या नाहीत. या प्रकरणी बेपत्ता झाल्याची नोंद अंबड पोलीस ठाण्यात करण्यात आली आहे.
 
बेपत्ता झाल्याचा तिसरा प्रकार सिडकोत घडला. खबर देणार दिनेश गणपत पवार (रा. दत्त चौक, सिडको) यांनी दिलेल्या फिर्यादीत म्हटले आहे, की रेश्मा दिनेश पवार (वय २८, ही १६ जानेवारी रोजी दुपारी ४ वाजेच्या सुमारास घरात कोणालाही काहीही न सांगता निघून गेली आहे. तिचा सर्वत्र शोध घेतला; मात्र ती मिळून आली नाही. या प्रकरणी बेपत्ता झाल्याची नोंद अंबड पोलीस ठाण्यात करण्यात आली आहे.
 
बेपत्ता झाल्याचा चौथा प्रकार उपनगर येथे घडला. याबाबत सचिन रामभजन चौहान (रा. श्रीमान अपार्टमेंट, उपनगर) यांनी उपनगर पोलीस ठाण्यात दिलेल्या माहितीनुसार गंगुबाई रामा निंबारे (वय ७५) या काल सकाळी १० च्या सुमारास घराच्या बाहेर बसण्यासाठी जात असल्याचे सांगून गेल्या; मात्र बराच वेळ होऊनही त्या घरी आल्या नाहीत. त्या वयोवृद्ध असल्याने त्यांचा परिसरात शोध घेतला असता त्या मिळून आल्या नाहीत. या प्रकरणी बेपत्ता झाल्याची नोंद उपनगर पोलीस ठाण्यात करण्यात आली आहे.
 
बेपत्ता झाल्याचा पाचवा प्रकार पाथर्डी फाटा येथे घडला. खबर देणार प्रतिभा नंदू मांडगे (वय ५३, रा. प्रशांतनगर, पाथर्डी फाटा, नाशिक) यांची सून धनश्री संदीप मांडगे (वय २०) ही दि. १६ जानेवारी रोजी सकाळी साडेआठ वाजेच्या सुमारास घरात कोणालाही काही एक न सांगता घरातून निघून गेली आहे. तिचा परिसरात शोध घेतला; मात्र ती मिळून आली नाही. या प्रकरणी बेपत्ता झाल्याची नोंद इंदिरानगर पोलीस ठाण्यात करण्यात आली आहे.
 
बेपत्ता झाल्याचा सहावा प्रकार त्रिमूर्ती चौकात घडला. खबर देणार ललिता वसंत कारले (रा. शिवशक्‍ती चौक, त्रिमूर्ती चौक, सिडको) यांचा मुलगा परमेश्‍वर कारले (वय ३२) हा काल सकाळी साडेदहा वाजता कामावर जातो, असे सांगून घराबाहेर गेला. बराच वेळ होऊनही तो घरी आला नाही. त्याला फोन केला असता तो फोन घेत नाही. त्याचा सर्वत्र शोध घेतला; परंतु तो मिळून आला नाही. या प्रकरणी युवक बेपत्ता झाल्याची नोंद अंबड पोलीस ठाण्यात करण्यात आली आहे.
 
बेपत्ता झाल्याचा सातवा प्रकार अशोकनगर येथे घडला. खबर देणार मनीषा जगदीश खैरनार (रा. अनुराधा संकुल, अशोकनगर, सावरकरनगर, सातपूर) यांचे पती जगदीश प्रभाकर खैरनार हे दि. १४ जानेवारी रोजी सकाळी ६ वाजता इगतपुरी येथे कामानिमित्त जात आहे, असे सांगून घरातून निघून गेले. ते अद्यापपावेतो घरी परतले नाहीत. या प्रकरणी हरविल्याची नोंद सातपूर पोलीस ठाण्यात करण्यात आली आहे.
Edited by :  Ratnadeep Ranshoor

संबंधित माहिती

हैदराबाद विरुद्ध लखनौ सामना हा आयपीएल प्लेऑफ क्वालिफायरसारखा असेल

धाराशिवमध्ये मतदान केंद्राजवळ चाकूने हल्ला करून एकाची हत्या

रुपाली चाकणकर यांच्या विरोधात पुण्यात गुन्हा दाखल

कोल्हापूर मतदान केंद्रावर वृद्धाचा हृदय विकाराच्या धक्क्याने मृत्यू

भारतीय महिलां आणि पुरुष संघ 4x400 मीटर रिले संघ पॅरिस ऑलिम्पिकसाठी पात्र ठरला

Israel Hamas War : हमास ने शांतता करार प्रस्तावाला स्वीकार केलं, इस्त्रायलने अशी दिली प्रतिक्रिया

लोकसभा निवडणुकीच्या तिसऱ्या टप्प्यात राज्यात 5 वाजे पर्यंत सरासरी 53.40 टक्के मतदान झालं

अरविंद केजरीवाल यांच्या न्यायालयीन कोठडीत 20 मे पर्यंत वाढ, सर्वोच्च न्यायालयाकडून कोणताही दिलासा नाही

विजय वडेट्टीवार यांच्या विवादास्पद वक्तव्याची चौकशी होणार! फडणवीसांचा इशारा

सुप्रिया सुळे अजित पवारांच्या घरी गेल्यावर फडणवीस यांची प्रतिक्रिया

पुढील लेख
Show comments