पुण्यातील स्वारगेट पोलीस ठाण्यांतर्गत सेवेत असलेल्या या पोलीस शिपायाने चक्क ३ लग्नं केली आहेत. या पोलीस शिपायाच्या क्रमांक दोनच्या पत्नीने केलेला धक्कादायक आरोप असा की, या लग्नांबाबत या तिघींना कानोकानी खबर देखील नव्हती. या महाभागाने प्रत्येक पत्नीला आपले केवळ तुझ्याच सोबत लग्न झाले आहे हे पटवून दिले होते. त्यामुळे हे प्रकरण जेव्हा समोर आले तेव्हा कहर झाला एक नाही तर तीन लग्न केल्याचे आता उघड झाले आहे.
शिपाई विजय जाधव (वय-३८) याचा पहिल्या पत्नीसोबत बारामती कोर्टात गेले तीन वर्षांपासून केस सुरू असून, २४ डिसेंबर २०१६ ला एका महिलेसोबत लपून विवाह केला आहे. यात नवीन महिलेने दावा केला आहे की, त्याने आणि त्यांच्या कुटुंबियांनी पहिल्या लग्नाची ही गोष्ट तिच्यापासून लपवून ठेवली होती. तसेच, पहिल्या पत्नीसोबत त्याचा घटस्फोटही झाला नाही. दुसरी बायको माहेरी जाताच विजय जाधवने थेट तिसऱ्या बायकोसाठी स्थळ शोधणे सुरू केले. १२ डिसेंबर २०१७ मध्ये त्याने तिसरे लग्न केले आहे.
विशेष म्हणजे त्याने तिसऱ्या बायकोपासूनही पहिली दोन लग्नं झाल्याची माहिती लपवली आहे. या महिलेने आरोप केला आहे की, त्याने तीसऱ्या लग्नातही मुलींकडच्या मंडळीकडून ५०,००० रूपये हुंडा म्हणून घेतले आहेत. हा सर्व प्रकार पाहून पोलीसही आवाक झाले आहेत. त्यामुळे त्याचे खात्यातून निलंबन देखील केले आहे.