पंढरपूर :: सोलापूर येथुन पंढरपूरकडे येणाऱ्या कारला खासगी बसणे दिलेल्या धडकेत पंढरपूर येथील तिघांचा जागीच मृत्यू झाल्याची घटना शुक्रवारी रात्री बाराच्या दरम्यान पेनुर ता.मोहोळ (जुदगारपाटी) येथे घडली आहे.
अपघातामध्ये चक्काचुर झालेली कार.
याबाबत अधिक माहिती अशी की, तानाजी चौक, पंढरपूर येथील सुरज कदम (वय- 28), प्रशांत शेटे (वय-40), ऋषिकेश साखरे (वय 35) हे तीन युवक सोलापूर येथून कारने पंढरपूरकडे येत होते. पेनुर ता. मोहोळ येथील जुदगारपाटी येथील वळणावरती खाजगी बस व कारची जोराची धडक दिली. त्यामध्ये कारमधील तिन्ही युवक जागीच ठार झाले. खासगी बसचे तसेच कारचेही नुकसान झाले असून, ड्रायव्हरच्या पायाला दुखापत झाली आहे.