Chess : आनंद-कार्लसन पुन्हा एकदा आमनेसामने या दिवशी होणार सामना

पाच वेळा विश्वविजेता आणि महान बुद्धिबळपटू भारताचा विश्वनाथन आनंद आणि जगातील नंबर वन खेळाडू नॉर्वेचा मॅग्नस कार्लसन पुन्हा एकदा आमनेसामने येणार आहेत. या दोन्ही दिग्गजांना मोरोक्कन शहरात कॅसाब्लांका येथे होणाऱ्या बुद्धिबळ प्रकार स्पर्धेत खेळण्यासाठी आमंत्रित करण्यात आले आहे.18 आणि 19 मे रोजी होणाऱ्या या स्पर्धेत अमेरिकेचा हिकारू नाकामुरा आणि इजिप्तचा बासेम अमीन हे देखील खेळणार आहेत.

भारतीय ग्रँडमास्टर प्रवीण ठिपसे यांच्या मते, ही स्पर्धा सामान्य नसून वेगळ्या प्रकारची असेल. दुहेरी राऊंड रॉबिन पद्धतीने होणाऱ्या या स्पर्धेत प्रत्येक खेळाडू सहा खेळ खेळणार आहे. 

 आयोजक खेळाडूंना सामन्यादरम्यान बुद्धिबळ मास्टर्समध्ये खेळल्या जाणाऱ्या खेळांचे स्थान देतील. प्रत्येक गेम 15 मिनिटांसाठी खेळला जाईल.

Edited by - Priya Dixit