Webdunia - Bharat's app for daily news and videos

Install App

मुंबईच्या काही भागात पाणीकपात

Webdunia
मंगळवार, 24 ऑगस्ट 2021 (21:41 IST)
मुंबईच्या उदंचन केंद्रात झडप बसविण्याच्या कामासाठी संपूर्ण पश्चिम उपनगरात, शहर भागातील माटुंगा, वडाळा, अँटॉप हिल, शिवडी आदी भागात व पूर्व उपनगरातील कुर्ला, घाटकोपर या काही भागात २६ ऑगस्ट रोजी सकाळी ८ ते २७ ऑगस्ट रोजी सकाळी ८ या कालावधीत १०% पाणीकपात करण्यात येणार आहे. त्यामुळे नागरिकांनी आवश्यक पाण्याचा साठा अगोदरच भरून ठेवावा व त्याचा जपून वापर करावा. पाण्याचा अपव्यय करू नये, असे आवाहन पालिका जल अभियंता खात्यामार्फत करण्यात आले आहे.
 
मुंबई महापालिकेच्या पांजरापूर संकुलातील मुंबई ३ अ उदंचन केंद्रामध्ये ९०० मिलीमीटर व्यासाची झडप बसविण्याच्या कामासाठी २६ ऑगस्ट रोजी सकाळी ८ वाजेपासून २७ ऑगस्ट २०२१ रोजी सकाळी ८ वाजेपर्यंत २४ तासांकरीता सदर उदंचन केंद्र बंद ठेवण्यात येणार आहे. त्यामुळे सदर कालावधीत संपूर्ण पश्चिम उपनगर भागात, शहर भागातील एफ/दक्षिण व एफ/उत्तर म्हणजे वडाळा, माटुंगा, परळ, अँटॉप हिल, शिवडी आदी भागात आणि पूर्व उपनगरातील एल, एन विभागात म्हणजे कुर्ला व घाटकोपर या भागात १० टक्के पाणीकपात करण्यात येणार आहे.
 
मुंबई महापालिकेने, मुंबई शहर, पश्चिम उपनगरे व पूर्व उपनगरातील काही विभागांचा पाणीपुरवठा सुरळीत होण्यासाठी पिसे पांजरापूर संकुलातील पांजरापूर येथील मुंबई ३ अ उदंचन केंद्रामध्ये ८० दशलक्ष लिटर प्रतिदिन क्षमतेचा एक नवीन उदंचन संच बसविण्याचा निर्णय घेतला आहे.
 
हे उदंचन संच बसविण्यापूर्वी ९०० मिलीमिटर व्यासाची एक नवीन झडप बसविण्यात येणार आहे. त्यामुळे पांजरापूर येथील मुंबई ३ अ उदंचन केंद्र हे २६ ऑगस्ट रोजी सकाळी ८ वाजल्यापासून २७ ऑगस्ट रोजी सकाळी ८ वाजेपर्यंत असे २४ तास बंद ठेवण्यात येणार आहे.
 
त्यामुळे, भांडुप संकुलास होणाऱया पाणीपुरवठ्यामध्ये सुमारे १० टक्के पाणी कपात करण्यात येणार आहे. परिणामी, भांडुप संकुलद्वारे होणाऱया पश्चिम उपनगरे तसेच शहर भागातील एफ/दक्षिण व एफ/उत्तर वगळून सर्व विभाग तर पूर्व उपनगरातील एल व एन विभागात होणाऱया पाणीपुरवठ्यात १० टक्के पाणीकपात करण्यात येणार आहे.

संबंधित माहिती

जेवण बनवतांना गॅस सिलेंडर झाले लीक आग लागल्याने 4 जणांचा मृत्यू

'अनुपमा' अभिनेत्री रुपाली गांगुली भाजपमध्ये दाखल

महाराष्ट्र गीत : जय जय महाराष्ट्र माझा, गर्जा महाराष्ट्र माझा

मोदींकडून महाराष्ट्र दिनानिमित्त मराठीत शुभेच्छा!

टँकरच्या अपघातामुळे रस्त्यावर तेल सांडलेले पाहून मुख्यमंत्री शिंदे यांनी मदतीचा हात पुढे केला

कल्याणमधून श्रीकांत शिंदे आणि ठाण्यातून नरेश गणपत म्हस्के यांना तिकीट

'मी जिवंत असेपर्यंत मुस्लिमांना धर्माच्या आधारे आरक्षण देणार नाही', पंतप्रधान मोदींचे मोठे वक्तव्य

मुबंई लोकसभेच्या 6 जागांसाठी या नेत्यांमध्ये होईल सामना

Russia-Ukraine War : ओडेसामध्ये रशियाचा क्षेपणास्त्र हल्ला, पाच जण ठार

नेहरू-गांधी घराण्याच्या तीन पिढ्यांनी देशासाठी बलिदान दिले; शरद पवारांचे वक्तव्य

पुढील लेख
Show comments