'भाभीजी घर पर हैं' अभिनेता फिरोज खान यांचे हृदयविकाराच्या झटक्याने निधन

भाभी जी घर पर हैं यात अमिताभ बच्चन यांची नक्कल करणारा अभिनेता फिरोज खान यांचे हृदयविकाराच्या झटक्याने निधन झाले आहे. याआधी फिरोज खान जिजा जी छत पर हैं, साहेब बीबी और बॉस, हप्पू की उल्टन पलटन आणि शक्तीमान यांसारख्या अनेक शो आणि चित्रपटांमध्ये दिसला आहे.

बॉलीवूड अमिताभ बच्चन यांच्या शहेनशाहची नक्कल करून फिरोज खान प्रसिद्ध झाला. तो मूळचा उत्तर प्रदेशातील बदाऊन जिल्ह्यातील होता. बदाऊन येथील राहत्या घरी त्यांचे निधन झाले. 'भाभीजी घर पर हैं' मध्ये शानदार अभिनय आणि अमिताभ बच्चन यांची नक्कल करण्यासाठी फिरोज खानची ख्याती होती. 

फिरोजने अनेक टीव्ही मालिका आणि चित्रपटांमध्ये काम केले आहे. 'भाबीजी घर पर हैं', 'जिजा जी छत पर हैं', 'साहेब बीबी और बॉस', 'हप्पू की उल्टन पलटन' आणि 'शक्तिमान'मध्ये ते दिसले होते. याशिवाय त्यांनी गायक अदनान सामीचा सुपरहिट अल्बम 'थोडी सी तू लिफ्ट करा दे' यासह अनेक चित्रपटांमध्ये काम केले आहे.

फिरोज काही काळ बदायूंमध्ये होते आणि शहरात राहून अनेक कार्यक्रमात भाग घेत होते, असे सांगितले जात आहे. फिरोज खानने आपला शेवटचा परफॉर्मन्स 4 मे रोजी बदायूं क्लबमधील मतदार महोत्सवात दिला, ज्याला प्रेक्षकांचा चांगला प्रतिसाद मिळाला. ते सोशल मीडियाशीही जोडलेले राहिले. त्यांचे अधिकृत इंस्टाग्राम खाते देखील बिग बींचे अनुकरण करतानाच्या व्हिडिओंनी भरलेले आहे. 

याआधी 'भाभीजी घर पर हैं'चा आणखी एक अभिनेता दीपेश भान यांचे 2022 मध्ये निधन झाले.