थंडीपासून बचाव करताना...

व्हिटॅमिन सी-यु्रत फळेः शरिरात रोगप्रतिकारशक्ती वाढवण्यासाठी आपण अँटी ऑक्सिडेंटयुक्त फळ आणि  भाज्यांचे सेवन करायला हवे. यासाठी संत्री, चेरी, लिची, लिंबू याचा आहारात नियमित समावेश करायला हवा. व्हिटॅमिन सी हे शरीरात रक्ताच्या पेशी वाढवण्यासाठी मदत करते.

हळदः भारतीय आहारशैलीत हळदीचा प्रामुख्याने वापर होतो. अशावेळी हळदीचा अधिक लाभ मिळवण्यासाठी हळदीचा चहा घेण्याची सवय सुरू करायला हरकत नाही. त्याचबरोबर रात्री झोपताना हळदीचे दूध घेतल्यास रोगप्रतिकारकशक्ती वाढवण्यास मदत मिळते. हळद-गुळाची गोळी देखील घसा चांगला करण्यास मदत करते.

दहीः रोगप्रतिकारकशक्ती वाढवण्यासाठी दहीदेखील उपयुक्त पदार्थ आहे. जेवणाबरोबर दररोज दही खाल्ल्यास अनेक आजारांपासून आपल्याला मुक्ती मिळते. दहीपासून तयार केलेले ताकही आरोग्यवर्धक आहे. याशिवाय दह्याची कोशिंबिर, दहीभातदेखील आरोग्याला लाभदायी आहे.

चहा : थंडीच्या दिवसांत चहा हे सर्वात आवडीने घेतले जाणारे पेय आहे. चहामुळे थकवा, क्षीण दूर होतो. तसेच घशातील खवखवदेखील थांबते. चहामुळे सर्दी, पडसे कमी होते. लहान-मोठ्या आजारांना दूर ठेवण्यासाठी चहा उपयु्रत ठरतो. आजकाल चहाचे बरेच प्रकार बाजारात उपलब्ध असून आवडीनुसार चहाची निवड करु शकतो.

दालचिनीः दालचिनी हा केवळ मसाल्याचा पदार्थ नसून अनेक आजारांवर उपचार करण्यासाठी उपयुक्त  पदार्थ आहे. आहारात दालचिनीचा वापर केल्यास शरीरात रोगप्रतिकारक शक्ती वाढते.

डॉ. मनोज कुंभार